pro Pratosardo e su negòssiu de fradicare in sa zona ‘e Mughina

NUGORO – Su cussizu cumonale in s’urtima reunione at esaminau e dau parrere positivu in supra de duos istudios pro mudare in parte cussu chi venidi mutiu Pai, su pianu in supra de sa situatzione de sas abas (de sas benas) e de su terrinu. Una de sas terras interessas est cussa de Partosardo, inuve dae barant’annos sunu collocaos sos laboratorios de de tantos artigianos e sas butecas de aterentantos cummèrciantes. S’atera tocada imbeces s’esamene de sa situassione de su terrinu (de cussu chi est mutiu assetto idro-geologico) pro una terra a daintro de sa tzitade, a lacana cun sos caminos Pietro Nenni, via Mughina e Velio Spano. Terra inuve est preventivau su fradicu de una buteca, de sa zenia mutia centro-commerciale. Sas deliberas sunu colas in su cussizu cun su votu de sa maggiorantzia. De s’opositzione ini presentes solu pacos cussizeris, chi in su mament de su votu ana lassau s’aula. Como sos atos de sa comuna andana a sa Regione, chi est s’ente prepostu a dare s’autorizassione pro mudare su pianu in sos duos tretos prima zitaos.

F.P.

© Tutti i diritti riservati