S’organizatzione de sas bibbliotecas, archivios e museos in cussa chi venidi mutia “l’era digitale”, cussa ligà a s’impreu de su computer, at’a essere s’ozetu de una cunferentzia nazionale chi si tenede lunis 26 de Sant’Andria, in Nugoro.

S’atopu est a comintzare dae sas deghe in sa sala de sa bibblioteca “Sebastiano Satta”, chi s’acatada in sa piatza Asproni. Ad’a andare a innantis fintzas a su sero.

Primos sunu preventivaos sos saludos dae parte de su sindigu de sa tzitade, Andrea Soddu. Deretu apustis van’a essere sas relatas de Paolo Piquereddu, commissariu de su cunsòrtziu de sa pubblica lettura “Sebastiano Satta”, e de Giuseppe Dessena, chi est assessore regionale de sa Cultura.

Sa cunferèntzia at’a sighire cun sos interventos de varios diritzentes de sa Regione e de su sotziu MAB, chi ponende paris in Sardigna museos, archivios e bibbliotecas, oltras chi de sos espertos chi cuvrennana e operana in sos diferentes entes de curtura.

Durantes sa die de istudiu an’a essere cufrontaos e contaos siada sos modos, siada sos istrumentos de impreare pro mantennere su passu cun sas novidades de s’iformatica, e duncas sos frutos chi in custu caminu si cherene (e si depende) acollire. De ammentare chi s’atopu de curtura est promoviu dae su cunsòrtziu de sa bibblioteca “Satta” e dae su Mab. (f.p.)