Sos ùrtimos istùdios in argumentu narant in manera crara ch’est unu vantàgiu mannu, e non pro sa connoschèntzia de sa limba ebia, ma finas in àmbitos che s’aritmètica, sa solutzione de problemas, sa comunicatzione interpersonale.
Un’istùdiu fatu dae sas Universidades de Strathclyde e de Casteddu e publicadu in s’International Journal of Bilingualism mustrat chi sos pitzinnos pesados in duas limbas tenent prus paga dificultade in iscola.
Catherine de Lange (giornalista iscientìfica inglesa) iscriet chi su bilinguismu est una “ginnàstica mentale” perenne, chi amparat sa memòria dae sas maladias degenerativas. Antzis, “Nei soggetti bilingui i sintomi [dell’Alzheimer] compaiono con quattro anni di ritardo rispetto ai monolingui”. Peruna meighina, finas a oe, at tentu custa resurtada.
“Si fanno puzzle e parole crociate per mantenere la mente lucida. Ma i vantaggi che abbiamo osservato in chi parla due lingue vengono in automatico, semplicemente per il fatto di conoscere e usare due idiomi”. Sunt paràulas de sa dutoressa Viorica Marian, de su laboratòriu de bilinguismu e psicolinguìstica in Sièntzia de sa Comunicatzione de sa Northwestern University.
Si sighimus a pensare chi a pesare sos pitzinnos in sardu est a lis fàghere dannu, cheret nàrrere chi su problema lu tenimus nois.
Gianfranca Piras
© Tutti i diritti riservati
