venerdì 13 dicembre 2019, Aggiornato alle 8:58
Home > CRONACA, POLITICA E ATTUALITÀ > Pro sas eletziones regionale si votat su 24 de frearzu Frimau su decretu dae parte de su guvernadore Pigliaru

Pro sas eletziones regionale si votat su 24 de frearzu Frimau su decretu dae parte de su guvernadore Pigliaru

Il Palazzo del Consiglio della Regione Sardegna (foto S.Novellu)
Il Palazzo del Consiglio della Regione Sardegna (foto S.Novellu)

CASTEDDU- Sas votassiones pro s’eletzione de su guvernadore e de su cussizu regionale s’ant a tennere dominica 24 de frearzu 2019. Sa data est ista istabilia cun d’unu decretu frimau sas dies colas dae Francesco Pigliaru, chi cuvrennat sa Regione dae su 2014. Pro si preparare a s’impignu e a s’stopu de su votu, sos partzidos sunu afariaos dae tempus. S’urtima novidade est chi su deputatu de sus tempus passau Mauro Pili at a essere candidau comente guvernadore pro su partzidu Sardi Liberi, chi riunit su grupu de Pili etotu, Unidos, cussu de Progres, e una parte de sos sardistas chi ant lassau su Psd’Az, pro ca contrarios a s’acordu atu cun sa Lega, pro sas politicas de marzu. Sos ateros candidaos pro s’ingarriga de guvernadore sun, Massimo Zedda, in su presente sindicu de Casteddu, pro su tzentru-sinistra, Cristian Solinas, senadore sardista, pro su tzentru-dresta, su bibblioetecàriu campidanesu Francesco Desogus, pro su movimentu Cinquestelle, mentras Andrea Murgia, funzionariu de s’Unione Europea, cumandat su grupu de Autodeterminatzione, partzidu chi cheret s’indipendentzia de sa Sardigna dae s’istadu italianu. Non est galu connota cale at a essere sa detzisione de su Pds, Partito de Sardi, chi at atu sa votassione, pro inzitare su candidau a sa presidentzia de sa Regione, a daintru de sos iscritos e tzente chi at simpatia pro su partzidu matessi. S’iscerta est ruta in supra de Paolo Maninchedda, chi est su secretariu de su Pds. Como bisonzat de viere si su Pds andat a sa sola, o detzidit de achere parte de unu de sos grupos prus mannos (su tzentru-dresta o su tzentru-sinistra), pro àrede garantia s’eletzioen de carchi cussizeri, tenende contu chi sa letze elettorale pedit a cada partzidu de otennere nessi su chimbe pro chnetu de sos votos pro intrare in su cussizu de sa Regione.

(f.p.)

© Tutti i diritti riservati

Lascia un commento