sabato 4 luglio 2020, Aggiornato alle 20:38
Home > CRONACA, POLITICA E ATTUALITÀ > Uliana. Isparatòria in Su Gologone. Si fuint sos isbandidos

Uliana. Isparatòria in Su Gologone. Si fuint sos isbandidos

Forsis cheriant isrobare unu de sos bàncomat de Ulìana sos tres isbandidos chi, cun càmion e pala mecànica furados, ant isparadu sos carabineris chi los cheriant firmare e chi ant rispostu a su fogu.

Est capitadu a cara a sas 2 de mangianu a curtzu a Su Gologone e sos malintentzionados, totus carotados, a pustis isparadu si sunt fuidos a pee lassende sos mezos in mesu de s’istrada.

Sos carabineris de s’istatzione de Ulìana e sa Cumpangia de Nùgoro, agiudados dae s’iscuadrone eliportadu de sos Catzadores de Sardigna, dae su Repartu Iscuadrillas de Nùgoro e dae sas Iscuadrillas de Iloghe e Monte Pitzinnu ant aviadu sas chircas faghende postos de bloco in totu su territòriu.

Gianfranca Piras

© Tutti i diritti riservati

Lascia un commento

error: Content is protected !!