Cultura e solidariedade in un’initziativa de s’iscola materna de Funtana Buddia. Pro Nadale sas mastras ant tentu s’idea de bèndere sos traballeddos fatos dae sos alunnos, e su dinari ricavadu at a andare a Madagascar pro agiudare a àteros pitzinnos.

Il mercatino allestito a Funtana Buddia

Est una manera de dare solidariedade a chie est in dificultade, ma est finas una manera pro connòschere àteros logos de su mundu: sos pitzinnos ant imparadu in ue est su Madagascar, ite prantas bi faghet, ite animales b’at, comente bi bivet sa gente e àtera cosa meda, finas pro more de sas testimonias de missionàrios e voluntàrios chi ant faeddadu de cussos logos pòberos e de sa poberesa e suferèntzia de sos pitzinnos de in ie.

Gianfranca Piras

© Tutti i diritti riservati