domenica 20 ottobre 2019, Aggiornato alle 22:40
Home > CRONACA, POLITICA E ATTUALITÀ > Sa “selfite” est una maladia mentale: lu narat un’istùdiu de sas universidades indianas

Sa “selfite” est una maladia mentale: lu narat un’istùdiu de sas universidades indianas

In mesu de sas maladias de su tempus modernu nche podimus pònnere finas sa “selfite”, chi est su bisòngiu ossessivu de pònnere “selfie” in Rete. Paret antzis chi siat pròpiu una maladia mentale, a su chi narat una chirca de sos psicòlogos de sa Nottingham Trent University e de sa Thiagarajar School of Management in India.

In un’istùdiu publicadu in s’International Journal of Mental Health and Addiction, sos psicòlogos faeddant de custa maladia e narant chi bi nd’at de tres genias: crònica (cando unu si faghet fotografias a totora e las pùblicat in Facebook prus de 6 bortas in una die), borderline (cando unu si faghet selfie nessi 3 bortas in una die ma non semper los pùblicat) e acuta (cando unu si faghet tantos selfie e los pùblicat totus).

Paret chi apant istudiadu 400 persones, e l’ant fatu in India ca est su logu in ue b’at istadu su nùmeru prus mannu se selfie perigulosos, chi ant causadu sa morte de sos autores.

Gianfranca Piras

© Cronache Nuoresi

Lascia un commento