Football, sa Nuorese dominica zocada in Arbus pro mantennere sa conca de sa classìfica

Sonia

Football, sa Nuorese dominica zocada in Arbus pro mantennere sa conca de sa classìfica

venerdì 30 Novembre 2018 - 14:56
Football, sa Nuorese dominica zocada in Arbus  pro mantennere sa conca de sa classìfica

Un momento di gioco della Nuorese (foto S.Novellu)

NUGORO – Pro sae bindighi partzidas de su campionau de Eccellenza de football, sa Nuorese dominica 2 de Nadale zocada in Arbus, comuna de su Campidanu de mesu. Sa partzida est preventivà pro sas tres, in su campu “Santa Sofia”. S’isquadra allenà dae su tecnicu romanu de Fabio Fraschetti diada depere disponnere de totus sos zocadores. S’omine de atacu de sa Nigeria, Tico, ata difatis iscontau sa die de suspensione detzisa dae su zudice isportivu, pro sa cale non est istau disponibile dominica colà, in sa partzida zocà e binta in su “Frogheri” contra a s’Atletico Uri. Gas’e totu su zocadore de mesu campu, Rosano, chi est abarrau iforas pro un dolore a su grenucu. Sa volontade de sa Nuorese est de acollire un’atera vinchida, chi diat’essere sae doghi dae su comintzu de su campionau. Resurtos chi la collocana in sa conca de sa classifica, cun chimbe puntos de prus de su Sorso e sete in supra de su Muravera.

De custas duas isquadras, dominica sa prima est impignà in Tàtari contra a su Stintino. Mentras su Muravera retzidi sos zobanos de su Porto Rotondo de Terranova (sa tzitade como mutia Olbia). (f.p.)

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi