Prontos 280mitza de euros pro sa turre de Santa Luchia

Sonia

Prontos 280mitza de euros pro sa turre de Santa Luchia

mercoledì 28 Novembre 2018 - 09:58
Prontos 280mitza de euros pro sa turre de Santa Luchia

L'assessore alla Cultura Giuseppe Dessena (foto S.Novellu)

Sos tribaglios in su pianu de sa Regione pro s’archeologia

CASTEDDU – Sa zunta de sa Regione in sa reunione de s’undighi de Sant’Andria at’aprobau unu pianu de mezoria de sos diferentes monumentos anticos de sa Sardigna. Sos tantos postos a un’ala pro sas operas sun de duos milione e mezu de euros. In sa provincia de Nugoro resurtada finantziau su prozetu pro su recuperu de sa turre marina de Santa Luchia de Siniscola. Preventivà un’ispesa de 280mitza de euros. Mentras in Sorgono s’ada a mandare a innantis s’opera pro sa chirca de sos archeologos in su nurache Talei e in sa zona antica de Biru ‘e Concas, providinde in su matessi tempus a ‘punteddare sos monumentos. Pro custos tribaglios sa disponibilidade est de 250mitza de euros. Tra sos ateros prozetos postos a daintro de su pianu, de ammentare cussos pro sa zona archeologica de Monti Prama (inuve sun’istios acatas sas istatuas de sos zigantes), pro su nurache de Santu Antine, de Turralba, e sa Villa Tigellio, in sa conca de Sant’Elia, in Casteddu. In sa cuntzada de s’arresonu, si tratada de un pianu istraordiariu de iscavos e de chirca in sos monumentos, prepustu dae s’assessorau de sa Curtura e Benes archeologicos, chi est cumandau dae Giuseppe Dessena. In totu est istau preventivau un impignu de oto miliones de euros. Custos duos miliones e mesu sunu, duncas, solu sa prima parte.

(F.P.)

© Tutti i diritti riservati

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta