S’iscritore Michelangelo Pira in sa terra de Gramsci Cuferèntzias su 7 de Nadale in Aristanis e Ales

Sonia

S’iscritore Michelangelo Pira in sa terra de Gramsci Cuferèntzias su 7 de Nadale in Aristanis e Ales

martedì 27 Novembre 2018 - 16:39
S’iscritore Michelangelo Pira in sa terra de Gramsci  Cuferèntzias su 7 de Nadale in Aristanis e Ales

Michelangelo Pira

ALES – S’istudiosu de sa sotziedade sarda de su ‘900 Michelangelo Pira chenapura 7 de Nadale at’a essere ammentau in d’unu cunvegnu chi tenede tra Aristanis e Ales. S’impignu est picau dae sa Biblioteca Gramsciana de Ales, sa Regione, s’istituto Issasco (in italianu, est Istituto sardo per la storia dell’antifascismo), s’Archiviu de s’Istadu de sa setzione de Aristanis e dae sa Comuna de Ales. Sa prima cuferèntzia a mantzanu, a sas 9, propriu di sos locales de s’archiviu. Ana a faeddare s’opera e de s’atividade culturale de s’istudiosu de Bitzi, Luigi Manias (Biblioteca Gramsciana), Walter Falgio e Daniele Sanna, diritzentes de s’Issasco. Stefano Giaccone at’a proponnere una paja de cantzones in supra de sos temas de sas revortas de sos populos. Paris an’a essere letas dae parte de Paolo Vanacore partes de su libru “La rivolta dell’oggetto”, sa prus connata tra sas operas de Michelangelo Pira. Su vortaedie sa cuferentzia tramudada a Ales, bidda de naschida de Antonio Gramsci. Sos interventos previntivaos sunu cussos de su professore universitariu de Antropologia, in Casteddu, Felice Tiragallo, de s’atore Mario Faticoni, e de su giornalista Giacomo Mameli. Presentes sempere Stefano Giaccone e Paolo Vanacore, pro s’acumpantzamentu de sa letura de Pira e sa proposta de sas catzones. S’atopu est in sa domo de naschida de Antonio Gramsci, a comintzare dae sas chimbe. Sa discussione at’amminujare ideas e printzìpios de Pira in supra de sa limba, sa curtura e s’identidade de su populu sardu, propriu in cussos chi sunu sos cuntzetos presentes in s’opera “La rivolta dell’oggetto”. Su resurtau a su cale arribada Pira – mesche pro su cale at’iscritu cussu e ateros libros – est su fatu chi s’isola si depet liberare dae sa tropeja de sa curtura de oras, pro nde costuire una propria, chi dae sa ine de s’Istadu ponzat a su cumandu sa sotziedade sarda pro ammaniare un’organizatzione nova e diferente, siada in sas atividades de sa politica e de s’aministratzione, siada in cussas de s’iscola.

F.P.

© Tutti i diritti riservati

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta