OSIDDA – Vintitres porcos non lezìtimos sun’istetios ochìdios da sos operadores de sa Regione, in cussa chi est s’atividade contra a sa maledia mutia Peste suina africana. Su fatu est sutzessu in su territoriu de Osidda, comuna a su confine tra sas provincias de Nugoro e Zazzari. Sas bestias sun’istas acatas a daintro de una tanca, ma su mere at’ispiegau chi non iti roba sua. S’interventu est istau atu pro impignu de cussa chi venidi mutia Unità di progetto contro la peste suina africana, posta paris una paja de annos achede dae sa Regione pro cumbatere e vinchere una maledia chi est presente in Sardigna oramai dae prus de 40 annos. Tra sos operadores comente a sempere vini sos vitirinarios de s’Ats (l’Azienda regionale per la tutela della salute) e sos forestales. Cussu de Osidda est uno de sos tantos controllos chi veninid atos die pro die in s’isola. Atividade comintzà afurriu a batos annos achede, puru cun s’atzdu de su vitirinariu ispagnolu, Josè Manuel Sanchez Vizcaino, espertu de su setore, chi ata cuvrennau s’opera contra a sa peste de sos porcos in Ispagna e ateras natziones de s’Europa. In custu tempus sun’istetios atos controllos in totu sa Sardigna e mescamente in sas terras de s’internu, inuve sos grustios de porcos paschene ispissu liberos e abortas chentza nesciunu cuntrollu sanitariu. Cando s’est averguau chi sas bestias non ini letzitimas, sun’istetias eliminas. Comente est sutzessu sas dies colas in Osidda.

Sos resurtaos de s’opera de sa Regione sunu zudicaos bonos, cussiderau chi sa maledia si cussiderada eliminà pro s’otanta pro chentu, a cufrontu de cussa chi iti sa presèntzia in su mamentu in su cale s’est comintza s’atividade de cuntrastu.

F.P.

© Tutti i diritti riservati