Serviziu civile, presentaos 176 protzetos cun s’impignu de oltras 900 sobanos

Nuovo

Serviziu civile, presentaos 176 protzetos cun s’impignu de oltras 900 sobanos

mercoledì 07 Novembre 2018 - 11:04

CASTEDDU – Sunu 176 sos protzetos de sa Sardigna aprobaos dae su guvernu a daintro de su servitziu civile pro sos annos 2018 e 2019. In totu ana a essere impignaos 932 sobanos, tra sos 18 e sos 29 annos de edade. Sos entes chi sunu parte assumana a 19. Sas atividades sunu cussas de atzudu a anzianos e pessones malavias, protzetos pro acollire in sa mentzus manera sos istrantzos chi arribana dae sas terras de s’Africa e de s’Asia, oltras chi a dare cara a sos bene pubblicos, a comintzare dae sos monumentos anticos. S’impignu durada un annu, in su cale cada zobanu retzidi 433 euro a su mese de paca. Datos e programmas sun’istaos contaos sas dies colas in Casteddu, durantes sa cuferentzia “Servizio Civile Universale. Una scelta che cambia la vita, tua e degli altri”. Atopu a su cale ana picau parte s’assessora de su Tribagliu (del Lavoro) de sa Regione, Virginia Mura, sos diritzentes de s’assessorau matessi, e paris s’assessore de sa comuna de Casteddu, Yuri Marcialis, chi ada sa delega a sas atividades prepostas pros sos zobanos. S’assessora Mura ad’ispiegau chi s’impignu picau dae su guvernu (cun su Dipartimentu per le politiche giovanili) e dae sa Regione est creschende. A cufrontu de s’annu colau sunu difatis oltras a 30 sos protzetos in prus e paris est creschiu su tantu de sos zobanos, colaos da sos 740 de su 2017 a oltras 930 de su programma de ocannu. Su guvernu pro s’atividade presente ada colau a sa Sardigna 4 miliones de euros. Ma sas novidades non sunu acabbas. Ateros 137 zobanos ana a essere parte de ateros protzetos, custa vorta longos oto meses, grassias a un contributo de 550mitza de euros bilanciau dae sa Regione. S’ana a ocupare de metzorare sa situazione sos benes de sa natura e a dare cara a monumentos e locos pùbbricos.

S’urtima iformatzione atenede a su bandu de su 2019. Su pianu est prontu. Sas dimandas andana presentas intro s’11 de ghennarju.

F.P.

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi