Nugoro. Su Cussitzu cumonale brocau: dae sa cuntierra tra su Sindigu e s’Opositzione

Sonia

Nugoro. Su Cussitzu cumonale brocau: dae sa cuntierra tra su Sindigu e s’Opositzione

giovedì 11 Ottobre 2018 - 10:27
Nugoro. Su Cussitzu cumonale brocau: dae sa cuntierra tra su Sindigu e s’Opositzione

Nuoro, Consiglio comunale (foto S.Novellu)

 Sa situazione in sa Comuna de Nugoro sighidi a essere male posta. Sa cufirma lunis colau, cando su cussitzu est brincau ca idi mancante su numeru legale, atu dae sa metade e unu de sos vintighimbe cumponentes de s’assemblea. Cussitzu, est de ammentare, chi idi convocau prò s’esàmene de su contu economicu de cuntzada de su 2017. S’iscras sas cosas non sun’andas mentzus.

Sa cuntierra custa vorta est istà in supra de sa delibera chi depiada cunsentire de intrare tra sos cussitzeris de Marilena Rojch, sa prima tra sos candidaos non eletos in sa votatziones de su 2015, in sa lista de La Base (como est l’Italia in Comune). Cambiu cusseguentzia de sa nomina in s’ingarriga de assessora de sa cumpantza de partzidu, Eleonora Angheleddu. Sa delibera prò s’intrada de Rojch, però, non est colà, ca 12 sun’istaos sos votos de sa Maggiorantzia e 12 de sos grupos de sa Minorantzia.

Grupu cust’urtimu a su cale in s’urtimu tempus s’est atzuntu puru su Partizdu sardu (Psd’Az), chi non est prus paris cun su sindigu Andrea Soddu e cu sa giunta cumonale. Su votu però non ada cuntzau sa chistione.

A un’ala Soddu e su secretariu cumonale, Antonino Puledda, ana cuntestau siada su votu a contariu, siada su valore de su matessi, cumbintos chi su cambiu in s’assemlea non podiada essere brocau, si non b’aviada fatos de incompatibilidade a picare s’ingarriga da parte de Marilena Rojch. S’opositzione, dae parte sua, ada rispostu chi sa delibera pro sa cale ses pediu su botu non est colà, ca sa Magiorantzia non est resessia a garantire su sustentu netzessariu e, duncas, non idi possibile s’intrada de sa cussitzera nova.

S’est, a cussu puntu, dezisu de ispostare s’atu a una reunione de achere in prope. Comente de su restu prò su bilanciu de cuntzada de su 2017, chi como si suponede ad’a essere amminujau e votau in sa reunione de su 29 de Santu Gavini.

© Tutti i diritti riservati

Francesco Pirisi

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi