NUGORO – S’opera pro ammàniare sas istradas de sa tzitade, preventivà primos pro custu’istiu, at a comintzare in beranu. Sunt interessaos a sos tribaglios una deghina de caminos, tra sos cale sas intradas a sa tzitade, dae s’istrada istatale “131-Dcn” (Abbasanta-Nugoro-Olbia) e dae sa circonvallazione de basciu, in su viale Sardegna. Tribaglios puru in su viale Trieste, in sa via Don Bosco e via Malta, cust’urtimu unu caminu de su bichinadu de Santu Predu. S’impignu est de sa comuna de Nugoro chi at preparau unu prozetu unicu, inuve at reuniu totus sos tribaglios. Su costu totale est de 580mitza de euros, finantziaos dae sa Regione. Atera cosa, sa Comuna at puru dezisu de dare in apaltu s’opera pro sos ammanios de cada die, cussa mutia in italianu manutentzione, cussos netzessarios cando bat ossas o ateros difetos in sas istradas. Si nd’at a ocupare un’azienda distinta, cun su compitu de intervennere deretu cando su dannu si presentat.

(f.p.)