CASTEDDU – Si podent achere già sos primos contos in supra de s’andamentu de su trasportu cun sos aparèchios in s’istiu tra sa Sardigna e su Continente. Traspurtu sustentu dae su programma e dae sos undos in dinare de cussa chi est mutia “continuità territoriale”. Tra su bindighi de lampadas e su bindighi de capidanni sos postos assignaos dae sa Regione a sas cumpantzias aèreas sunu de unu milione e treghentasessantamitza. Postos partzios tra sos sotzios de trasportu Alitalia, Air Italy e Blue Air. Creschida de s’atividade in tot’ as tres sos aeroportos: Casteddu, Terranova (Olbia) e s’Alighera. In manera distinta, sos datos comunicaos dae sa Regione contant chi sa linea tra s’Alighera e Milano Linate est creschia, comente postos disponibiles, de su 159 pro chentu. Aumentu galu prus mannu (su 168 pro chentu) pro sos viatzos tra Casteddu e Milano Linate, e torrada. Mentres sos postos in sos aparèchios chi cullegant Casteddu cun Roma Fiumicino sunu creschios de su 145 pro chentu.

(f.p.)

© Tutti i diritti riservati