martedì 29 settembre 2020, Aggiornato alle 20:30
Home > CRONACA, POLITICA E ATTUALITÀ > Annu nou. Atentzione a non dare tziculate a sos canes, ca los avelenat

Annu nou. Atentzione a non dare tziculate a sos canes, ca los avelenat

Cioccolato

Una chirca de s’universidade de Liverpool at postu in evidèntzia chi sos canes, in tempus de Nadale e Annu nou, sunt in perìgulu pro sa disponibilidade in totu sas domos de durches e, prus che totu, de tziculate.

Su cacao, difatis, cuntenet sa teobromina, chi est una sustàntzia comente sa cafeina chi pro sos animales est tòssica.

Dae sa chirca at essidu a campu chi in su Regnu Aunidu intre su 2012 e su 2017 sos veterinàrios ant curadu prus intossicatziones dadas dae su cacao in tempus de Nadale e de Pasca, cando sos pitzinnos retzint durches de tziculate de onni calidade e nde dant finas a sos animales domèsticos, chi lu màndigant cun praghere ma a pustis podent tènnere aumentu de sa frecuèntzia cardìaca, vòmitos e podent imbàtere finas a sa morte si nd’ant mandigadu meda.

Gianfranca Piras

© Tutti i diritti riservati

Lascia un commento

error:
× CONTATTACI