Banderas a mesa asta in su Comune de Nùgoro e tzitade in lutu pro sa morte de Francesco e Matteo Pintor, sos frades de 23 e 16 annos mortos sa die de Nadale in un’intzidente istradale in s’istrada a curtzu a Oroteddi.
Sos frades fiant andende a gustare dae sos giajos paris cun un’àteru frade de 20 annos, Giovanni, chi est istadu dimìtidu dae s’ispidale e cun su fradile Alessandro Satta de 23 annos, chi fiat guidende sa vetura e chi est galu ricoveradu in su repartu de Rianimatzione de s’ispidale Santu Frantziscu de Nùgoro.
Bandiere a mezz’asta nel Palazzo Civico di Nuoro(foto Cronache Nuoresi)
Sa missa de s’interru, in sa parròchia de su Coro de Gesùs (Sacro Cuore) l’at fata su pìscamu Mosè Marcia e b’at partetzipadu, paris cun parentes, amigos e connoschentes, finas s’Amministratzione comunale de Nùgoro.
Sa famìllia Pintor est connota ca su babbu Michele e sa mama Annarita Doneddu sunt diretores de sa Banca Intesa de Nùgoro e de Terranoa e su tziu Giuseppe Pintor est diretore generale de sa Asl de Tàtari.
Gianfranca Piras
© Tutti i diritti riservati
