domenica 20 ottobre 2019, Aggiornato alle 22:40
Home > CRONACA, POLITICA E ATTUALITÀ > Casu e late mìnimant s’arriscu de tumore a su colon

Chie màndigat late e casu tenet prus pagas possibilidades de s’ismalaidare de tumore a su colon. Lu narat su raportu de su World Cancer Research Fund (WCRF), a pustis de istùdios fatos subra de 29 milliones e prus de adultos e de 247 mìgia persones cun tumore a su colon.

Custa chirca, ispiegat Assolatte (Associazione Italiana Lattiero Casearia) ponet paris 99 istùdios fatos in sos ùrtimos 6 annos, reconnoschende chi totu sos derivados de su late dant custu profetu. S’arriscu de tumore de su colon mìnimat de su 13% in sos adultos chi màndigant 400 grammas de produtos de late o casu, e b’at una ridutzione de su 6% de arriscu in chie bufat 200 grammas de late a sa die.

Su WCRF agiunghet chi sas abitùdines chi dant protetzione a su colon sunt, in prus de su consumu de late e de produtos caseàrios, finas su mandigare frùtora, ortalìtzia e cereales.

Gianfranca Piras

© Tutti i diritti riservati

Lascia un commento