martedì 13 novembre 2018, Aggiornato alle 15:27
Home > CRONACA, POLITICA E ATTUALITÀ > Football, dominica Nuorese contra a su Muravera pro istabilire sa prus orte de s’Eccellenza

Football, dominica Nuorese contra a su Muravera pro istabilire sa prus orte de s’Eccellenza

Sostieni l'informazione libera e indipendente.
Supporta Cronache Nuoresi con una donazione.

 

NUGORO – Partzida tra sas primas de su campionau de s’Eccellenza regionale dominica in su campu “Frogheri”, in Nugoro. Sa Nuorese, a su primu postu cun 25 puntos, isfidada su Muravera chi sighidi cun solu duos puntos de mancu. Si jocada a sas 15. Partzida irvetà siada da un’ala e siada dae s’atera, ca podede dare già s’idea de cussu chi ada a essere su caminu venidore de sas duas isquadras. E su matessi tempus irvetà dae sos tifosos, preventivaos in tantos in su campu comunale de viale Repubblica, mescamente si su tempus si mantenede bonu. S’isquadra virde e atzurra allenà dae Fabio Fraschetti ad’aere su benefitziu proprio de jocare a dainnantis de su pubricu de Nugoro e in d’unu campu connotu. Su Muravera però est un’isquadra orte, costruia s’istiu colau dae sos diritzentes cun s’idea di vinchere su campionau e torrare in sa serie “D” nazionale, inuve ada jocau in sos annos colaos. De ammentare chi in s’isquara de su Sarrabus, allenà da Francesco Loi, jocana sos zobanos de Nugoro Giuseppe Meloni e Alessanro Cadau, chi s’annu colau ini marcaos in su sotziu de sa Nuorese. Tra sos jocadores prus irvetaos dominica, e non solu dae sos tifosos de Nugoro, su centrocampista de sa Nuorese, Tico, chi ada radichinas in s’Africa (in sa Nigeria), e chi in sas primas deghe partzidas ada signau undighi retes, balentia non resesia a nessun’ateru jocadore de su campionau.

F. P.

© Tutti i diritti riservati

Lascia un commento