domenica 25 agosto 2019, Aggiornato alle 16:01
Home > CULTURA E SPETTACOLO > A chie ponet focu”: l’orunese Peppe Montesu parla in rima agli incendiari

A chie ponet focu”: l’orunese Peppe Montesu parla in rima agli incendiari

Tortolì oggi dopo l'incendio di ieri
Tortolì dopo la devastazione dell'incendio

A chie ponet focu

Credia ocanno de mi la sarvare 
De cantare su focu in terra sarda
Ma cudda raza maligna bastarda
At su luminu torradu a leare
S’intragna nostra chircat de brujare
Cun manu rea e mente cubarda
Sos viles chene onore e dignidade
Ponen su focu chene piedade

Viles d’amore privos e rispetu
De satana sos fizos sun malignos
Infernales ne sichin sos disignos
In sos males anzenos an s’isetu
Brujan su buscu e pone apretu
A sos de Flora amados impignos
Faghen s’isula bella a carbonera
De creschida truncanne donzi ispera

In cussos focos chi bois ponides
Che brujedas sa vostra intragna rea
Sa manu che lassedas totu intrea
Canno cussa fiamma l’acennides
Sos buscos e padentes chi ferides
Bos allugan eterna sa pantea
Mai passu n’appedas in neddue
Sas fiammas bos brujene in tottue

Peppe Montesu

Lascia un commento