Paba Frantziscu: “Sos migrantes sunt persones. Tocat a nd’essire dae sa lògica de sa timòria”

Nuovo

Paba Frantziscu: “Sos migrantes sunt persones. Tocat a nd’essire dae sa lògica de sa timòria”

mercoledì 10 Gennaio 2018 - 06:00

«Sa libertade de movimentu est unu deretu de fundamentu de s’òmine, gasi comente sa libertade de lassare su logu suo e de bi torrare». L’at naradu Paba Frantziscu faeddende a su corpus diplomàticu, e at ammentadu chi sas migratziones sunt esìstidas semper e chi «s’istòria de sa sarvesa est istòria de migratziones».

Su Paba manifestat gratitùdine a s’Itàlia «chi in custos annos at mustradu coro abertu e generosu e at dadu finas esempros positivos de integratzione».

«Oe si faeddat meda de migrantes e de migratziones pro fàghere a tìmere a sa gente. – at naradu Bergòglio – Tocat a nd’essire dae sa retòrica, de mòvere dae su pensamentu chi sos chi sunt in dae in antis nostru sunt persones, in antis de totu».

Bergòglio manifestat su disìgiu chi sas dificultades chi s’Itàlia est bivende non fatzant nàschere impedimentos ma agiudent a iscobèrrere sas raighinas e sas traditziones de s’istòria italiana, chi est una prenda de regalare a su mundu.

Gianfranca Piras

© Tutti i diritti riservati

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi