Pro illangire non bastat a fàghere isport, tocat a cambiare sa dieta. Lu narat una chirca de sa Bangor University publicada in sa revista Applied Physiology, Nutrition and Metabolism a pustis de unu traballu chi at istudiadu 70 fèminas dae sos 18 a sos 32 annos. Custas fèminas ant fatu ginnàstica tres bortas a sa chida pro unu, duos o tres meses.
Issas ischiant ebbia chi fiat un’esertzìtziu cardio-respiratòriu. A sa fine de s’istùdiu lis ant tiradu campiones de sàmbene pro medire insulina, leptina, amilina, grelina e peptide YY e ant bidu chi non bi nd’aiat mancu una chi esseret pèrdidu pesu. In sas prus làngias creschiat sa massa musculare, in sas prus grassas b’aiat unu cambiamentu in sos ormones de s’apetitu e creschiat su fàmene. Sos istudiosos ritenent chi su carenadu, a pustis de s’esertzìtziu fìsicu, tenet bisòngiu de cumpensare sas pèrdidas de energia.
Gianfranca Piras
© Tutti i diritti riservati
