Sos pitzinnos finas a 6 meses non tenent bisòngiu de abba. Lu narat, segundu su giornale inglesu The Indeendent, un’istùdiu fatu dae s’ispidale iscotzesu NHS Greater Glasgow and Clyde.

In sos primos 6 meses de vida, narat s’istùdiu, a sos pitzinnos lis bastat su late de sa mama, chi est perfetu: est fatu de abba a s’88% e tenet pagos eletrolitas. Su late, duncas, chi siat de sa mama o a prùere, est sa mègius cosa pro los idratare.

Paret chi dende·lis tropu abba in sos primos 6 meses de allatamentu bi potzat àere perìgulu de intossicatzione chi podet dare finas efetos mortales.

Fatu chi apant sos 6 meses, si lis podet dare 0,59 millìlitros de abba in sas 24 oras finas a fàghere s’annu.

Gianfranca Piras

© Tutti i diritti riservati