Dae sa prima die de ghennàrgiu sos supermercados sunt custrintos a fàghere pagare 1 o 2 tzentèsimos onni bussighedda de plàstica chi portamus a pesare sa frùtora.

Gente meda s’est lamentada narende chi est una goddeta in prus («Una goddeta cuada a càrrigu de sos consumadores» narat Codacons) e b’at finas chie faeddat de praghere polìticu a sa Novamont de Novara, ghiada dae una mànager amiga de Matteo Renzi.

Legambiente rispondet chi sas aziendas chi faghent bio-plàstica in Itàlia sunt meda, e in Internet gente meda est in favore de custa norma chi agiudat s’ambiente minimende s’impreu de sa plàstica.

Chie non cheret ispèndere sos 2 tzentèsimos in sos supermercados tenet un’alternativa, chi est sa bussa a rete (sos americanos li narant “net bag”). Si podet comporare a 1 èuro e 50 tzentèsimos in Internet e chie no la cheret comporare si la podet fàghere a uncineto.

Gianfranca Piras

© Tutti i diritti riservati