Paba Frantziscu: in su 2017 tropu ingiustìtzias e òperas de morte. Comente pìscamu de Roma torro gràtzias a chie at operadu pro su bene

Nuovo

Paba Frantziscu: in su 2017 tropu ingiustìtzias e òperas de morte. Comente pìscamu de Roma torro gràtzias a chie at operadu pro su bene

mercoledì 03 Gennaio 2018 - 10:49

In sa prèiga de su Te Deum fata s’ùrtima die de s’annu paba Frantziscu at sutaliniadu chi s’annu 2017, «chi Deus nos aiat dadu intreu e sanu», est istadu guastadu dae sos òmines cun òperas de morte e de ingiustìtzia.

«Sas gherras – at naradu su paba – nde sunt su signale prus mannu. Ma nde sunt signale finas sas ofesas a sa vida, a sa veridade, a sa fraternidade, chi batint decadèntzia in s’òmine, in sa sotziedade e in s’ambiente».

Su paba, in calidade de pìscamu de Roma, at torradu gràtzias a totu sos chi òperant pro su bonu, «a totu cussas persones chi onni die dant su cuntributu a su bene de Roma, chi faghent su dovere issoro in sa mègius manera, chi rispetant sos logos pùblicos, chi dant atentzione a sos betzos e a chie est in dificultade. S’amore pro sa tzitade essit a campu gosi. Oe torramus gràtzias a Deus finas pro totu custa gente chi faghet su bene de sa tzitade non cun sas paràulas ma cun sas òperas»

A sa missa in basìlica bi fiat finas su sìndigu de Roma Virginia Raggi.

Gianfranca Piras

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi