Dae su mese de cabudanni 2018 s’iscola paritària Pitàgora de Tàtari at a isperimentare su diploma in 4 annos comente prevìdidu dae su ministeru de s’Istrutzione, chi at seberadu 100 iscolas intre sas belle 200 chi ant fatu domanda (87 dae su Nord, 45 dae su Tzentru, 65 dae su Sud). De custas iscolas interessadas, 128 sunt istatales e 69 paritàrias; 147 sunt indiritzos litzeales, 50 indiritzos tècnicos.

100 domandas sunt istadas aprovadas, pro àteras 92 su ministeru at a pedire a su Cussìgiu Superiore de s’Istrutzione Pùblica de crèschere su nùmeru de sas isperimentatziones.

Onni iscola podet ativare una classe isperimentale ebbia, e su ministeru assegurat chi non b’at a àere iscontu perunu in sos obietivos formativos e in sas cumpetèntzias prevìdidas pro s’ùrtimu annu de cursu.

Sas iscritziones si podent fàghere dae su 16 de ghennàrgiu 2018, comente pro sos percursos ordinàrios.

Gianfranca Piras

© Tutti i diritti riservati