Pro su cuntzertu de sos Ofenbach e Samuel in sa Banchina Millelire, sos organizadores ant dadu dispositziones pro chi non b’apat situatziones de perìgulu.

Pro custa resone, totu sos butegheris chi bendent cosa de mandigare o de bufare in carrera Garibaldi e in sa banchina podent dare sa cosa ebbia in tassas de plàstica o de pabiru; non si podet de peruna manera dare cuntenidores de bidru o latinas.

Dae sas 8 (h 20,00) de domìniga 30 finas a finire sa manifestatzione, in sa parte de carrera Garibaldi a curtzu a s’àrea de su portu non si bi podet transitare in vetura. Non si podet transitare mancu in sa pista tziclàbile.

Su cumandante de sa politzia locale Guido Calzia at dadu dispositziones pro chi b’apat blocos istradales cun s’agiudu de totu sas fortzas de s’òrdine. In s’àrea portuale b’at a àere trèighi agentes de politzia locale, iscuadras in vetura e mototziclistas.

Gianfranca Piras

© Tutti i diritti riservati