Ant comintzadu pedende 2 mìgia èuros pro non pònnere fogu a s’àrbore de Nadale. A pustis sunt calados a 600 e a ùrtimu a 500, semper faghende minetzas in suspu.

Est capitadu in Bari a sa dita incarrigada de fàghere s’àrbore de Nadale in pratza del Ferrarese. S’imprendidore incarrigadu de fàghere s’àrbore no at tìmidu e est andadu a denuntziare paris cun su sìndigu Antonio Decaro.

S’Iscuadra Mòbile at arrestadu a Antonio Manzari paranumenadu “Tonino l’impiccioso”, 30 annos, a Francesco Longo de 42 annos e a unu minorenne. Manzari, interrogadu dae su gip, at cunfessadu pedende perdonu a sa tzitade.

Gianfranca Piras

© Tutti i diritti riservati