Finas ocannu in Sardigna si mantenet sa moda de mandigare in domo su note de Annu Nou. Dae un’indàgine fata dae Coldiretti intervistende prus de 200 persones in totu sa Sardigna, essit a campu chi su prus de sos Sardos (su 55%) pro Annu Nou ant a mandigare in domo (pròpia o de amigos e parentes), su 13% ant a mandigare in agriturismu, su 22% in ristorante e su restante 10% o andat a biàgiu o non festat pro nudda.

«Finas in dies de festa a sos Sardos lis agradat a mandigare bene. – narat su presidente de Coldiretti Sardigna Battista Cualbu. Sa gente preferit produtos de istajone e a chilòmetru zero, e pro cussu andat a sos agriturismos».

«Sos clientes nostros – cunfirmat Michelina Mulas, presidente de sa rete de sos agriturismos Campagna Amica – chircant sa traditzione, cherent ischire comente sunt fatos sos màndigos e finas dae in ue benint sos produtos chi impreamus».

Gianfranca Piras

© Tutti i diritti riservati