lunedì 6 luglio 2020, Aggiornato alle 19:44
Home > CRONACA REGIONALE > Tempus malu. Novas de viabilidade in sa provìntzia de Nùgoro

Tempus malu. Novas de viabilidade in sa provìntzia de Nùgoro

Il bivio per Orgosolo sulla 389
Il bivio per Orgosolo sulla 389

 

Est megiorende a bellu a bellu sa viabilidade in s’istatale 131 (zona de Campeda) e in sa 389 Nùgoro-Lanusè, a pustis de unu mangianile de dificultade causada dae su nie. In Campeda si podet passare torra cun mezos pesantes; in s’istatale 389 b’at semper òbligu de cadenas o gommas tèrmicas dae su Km 20 a su Km 30 (zona Correboi).

Custu mangianu biddas meda de Barbàgia e de Mandrolisai si sunt agatadas in dificultade. «Nos nde semus ischidados suta de su nie e de bentos fortes meda – at iscritu in Facebook Daniela Falconi, sìndigu de Fonne – e como sos mezos de su Comune sunt isparghende sale. In sas carreras si bi podet passare cun gommas tèrmicas o cadenas, ma istade atentos ca b’at tretos in ue no at fatu a b’intrare cun sas palas».

At niadu finas in Macumere. Su sìndigu Antonio Succu racumandat de no essire dae domo si non b’at netzessidade: «Mi so asseguradu chi sos malàidos in diàlisi siant imbàtidos totus a s’ispidale. Si podet passare ma tocat a dare atentzione» at iscritu in Facebook.

Gianfranca Piras

© Tutti i diritti riservati

Lascia un commento

error: Content is protected !!