De 3 giòvanos, 1 no istùdiat e non traballat. Lu narat su raportu “Check-up Mezzogiorno 2017” curadu dae Confindùstria e dae su tzentru de istùdios Srm. Paret chi 1 millione e 800 mìgia giòvanos (belle su 60% de su totale natzionale) siant sena de fàghere nudda. In mesu de custos bi nd’at 200 mìgia laureados.

Forsis sa poberesa est minimende, ma non intre sa gente dae sos 35 a sos 44 annos, chi tenet prus dificultade a agatare traballu e est galu a largu dae s’edade de sa pensione.

«S’economia de su Sud – narat su raportu – est megiorende a bellu a bellu, ma b’at caminu meda de fàghere, bidu su nùmeru mannu de giòvanos chi no istùdiant e non traballant.»

Gianfranca Piras

© Tutti i diritti riservati