Narant chi s’àrbore de Nadale prus bella de totu sa Sardigna est in Carbònia. Est arta ses metros e est fata cun chimbighentos isteddos de Nadale. Paret chi siant pensende de nde fàghere finas un’àtera in un’àtera pratza, de cantu l’est pràghida a sa gente.
Sa traditzione de su Nadale in Sardigna sighit cun àrbores e presèpios bellos meda. In Belchidda e in Istintinu sa bidda intrea partètzipat a sa “gara” de sos presèpios; in Istintinu sas màgines sunt mannas cantu de un’òmine.
Non mancat su presèpiu traditzionale fatu in su cunventu de viale Fra’ Ignazio in Casteddu, chi sighit sa traditzione nàschida cun Fra’ Lorenzo.
S’Ortu Botànicu òspitat su presèpiu de pedra de su mastru Gianni Salidu, e in suta de su mare de Solanas, a chimbe metros de profundidade, b’est sa Natividade fata dae s’artista Franco Congiu.
Gianfranca Piras
© Tutti i diritti riservati
