Pro Nadale e Annu Nou sunt tantas sas initziativas pro dare un’isperàntzia a chie tenet bisòngiu.
Sa Caritas de Casteddu dat onni die 1.200 pastos in sa mensa a cara a s’Anfiteatru romanu. In sas dies de Nadale ant a organizare sa tòmbola e sa die de Annu Nou unu pràngiu in su Dopolavoro ferroviàriu.
In Aristanis sa Consulta provintziale de sos istudiantes e sa Consulta giòvanos de su Comune ant aprontadu unu mercadeddu de Nadale e sos donos los ant a dare a su repartu de pediatria de s’ispidale San Martino.
In Casteddu e in Tàtari sos Guardian Angels sunt dende isserpas a chie tenet fritu, e sighit s’initziativa de s’ismurzu “suspesu” (giai pagadu) pro chie non si lu podet permìtere.
In prus, in custas dies s’ant a dare in totu sa provìntzia de Casteddu sos regalos postos dae sa gente in sas iscalas de Bonària.
Gianfranca Piras
© Tutti i diritti riservati
