mercoledì 8 luglio 2020, Aggiornato alle 22:59
Home > CRONACA REGIONALE > Atòbios de limba in limba. Sighint sas atividades de Bilinguismu in Aristanis

Atòbios de limba in limba. Sighint sas atividades de Bilinguismu in Aristanis

A pustis de su cursu de alfabetizatzione fatu in sos meses de santugaine-santandria 2017, sighit s’atividade de formatzione in sardu organizada dae Bilinguismu in Aristanis.

Dae sa prima die de nadale finas a su 16 de freàrgiu in sa Libreria-bistrot Librid in Pratza de Tzitade (piazza Eleonora) in Aristanis s’ant a fàghere 5 atòbios abertos a totus pro faeddare (in sardu) de argumentos cullegados a sa presèntzia de sa limba nostra in sa vida de onni die. Sos atòbios, abertos a totus e gratùitos, sunt comintzados sa prima die de nadale cun Carlo Pala, politòlogu, chi at faeddadu de limba sarda e de su rolu suo de marker ètnicu. Su 15 de nadale Francesco Casula, istòricu, at faeddadu de limba comente istòria de su mundu.

In s’annu nou sos apuntamentos sunt sos chi sighint:

12 de ghennàrgiu 2018: Alessandro Mongili (sotziòlogu): “Ite est chi nos faghet arrèschere in su faeddare in sardu? Birgòngia, istigma e àteros barrancos”.

26 de ghennàrgiu 2018: Nicolò Migheli (sotziòlogu): “Sa limba sarda in sas professiones”.

16 de freàrgiu 2018: Antoni Nàtziu Garau (operadore linguìsticu): “Su sardu in iscola: cuadru normativu, atores, ainas e fainas intra de dificultades e isperas”.

Totu sos atòbios s’ant a fàghere in chenàbura a sas 5 e mesa de sero (h 17,30).

Gianfranca Piras

© Tutti i diritti riservati

Lascia un commento

error: Content is protected !!