giovedì 13 dicembre 2018, Aggiornato alle 6:45
Home > CRONACA, POLITICA E ATTUALITÀ > In Sardigna torrada sa maledia de sa lingua blue duas mitzas allevamentos brocaos in sa provincia

In Sardigna torrada sa maledia de sa lingua blue duas mitzas allevamentos brocaos in sa provincia

Sostieni l'informazione libera e indipendente.
Supporta Cronache Nuoresi con una donazione.
Pecore e agnelli al pascolo (foto S.Novellu)
Pecore e agnelli al pascolo (foto S.Novellu)

 

NUGORO – Sa Coldiretti ‘e Nugoro e de s’Otzastra est contrarià pro sa detzisione de brocare s’ipostamentu de su bestimane vùvulu a foras de sa provincia, pro limitare sos periculos legaos a sa maledia de sa lingua blu. Detzisione picà dae sos dirizentes de sa sanidade comente cusseguèntzia de s’iscoperta de una zenia galu non connota de sa maledia (mutia sierotipo 3) in allevamentos de sa zona de Teulada, non allargu dae Casteddu. Ma, comente comunicada sa Coldiretti, s’astrinta dà dae sos dirizentes de sa sanidade est orte e diffusa, tantu chi arribada fintzas a sa provincia de Nuoro. Inuve resurtana brocaos 2mitza allevamentos de boes e bacas, chi sunu su baranta pro chentu de su totale presente in Sardigna. Ateru istrobu, sempere ligau a su virus iscoperriu in Teulada, est su vatu chi comente si comintzada a istellare sas robas, sos antzones de sa provincia ‘e Nugoro non s’ana a podere ispostare a su capu ‘e supra (sa provincia de Zazzari), sa cale est cussiderà foras de periculu e pro parte sua non ada limites pro s’ispostamentu de su bestimane.

Sos dannos pro sos pastores est mannu, achene presente sos dirizentes de su sotziu agriculu, chi com’est cosa notoria reunidi sa parte manna de sas aziendas sardas. Pro custu pedini a sos chi cumandana sa sanidade, chi sos limites a s’ispstamentu de bacas e vitellos siana minimanos e limitaos a sas zonas afurriu a Teulada, tzertu cun sos controllos netzessarios pro abistare sa difusione de sa maleia, de sa lingua blu. Atera cosa chi pedini, est su contributu pro torrare sas ispesas atas dae sos allevadores pro sos cuntrollos in supra de sa Pcr (Proteina “C” reattiva), esamene chi dada rispostas in supra a sa presèntzia de infetziones in sas bestias. Vada, puru, de àchere su vacinu contra a sa zenia urtima de lingua blu, e puru pro cust’impenza – atzunghde sa Coldiretti de Nugoro e de s’Otzastra – s’atzienda de sa Regione pro sa sanidade depede achere su pianu e imbiare sos vitirinarios a sos cuviles pro s’esamene de su sambene e su vacinu matessi.

Francesco Pirisi

© Tutti i diritti riservati

Lascia un commento