Chef “isteddadu” faghet sos cumplimentos a su màndigu de s’ispidale de Perùgia - Cronache Nuoresi

Home > CRONACA, POLITICA E ATTUALITÀ > Chef “isteddadu” faghet sos cumplimentos a su màndigu de s’ispidale de Perùgia

Chef “isteddadu” faghet sos cumplimentos a su màndigu de s’ispidale de Perùgia

Nuoro, il pronto soccorso dell'Ospedale S.Francesco (foto S.Novellu)
Nuoro, il pronto soccorso dell'Ospedale S.Francesco (foto S.Novellu)

09In s’ispidale de Perùgia si bi màndigat bene. Lu narat unu chef “isteddadu” chi, a pustis de èssere istadu ricoveradu in s’ispidale Santa Maria de sa Misericòrdia, at iscritu una lìtera aberta a totu su personale de coghina narende cantu l’at corpidu sa calidade e s’atentzione chi ponent in su preparare s’ite de mandigare pro sos malàidos. «Bos fatzo sos cumplimentos – narat su chef in sa lìtera – ca a tènnere una calidade e unu servìtziu bonu gosi agiudat a dare s’idea de custu logu comente unu logu “normale” e no un’ispidale».

Sa supervisione de sa mensa la faghet sa dietista Daniela Capezzali, chi preparat sos menù paris cun duos coordinadores de coghina. «Amus puntadu subra de sa filiera curtza – narat sa dietista – e istamus atentos màssimu a sa petza, chi cheret allevada e masellada in Itàlia. A tenore de sos problemas de sos ricoverados asseguramus finas atentziones particulares, comente su de cambiare menù onni die pro sos malàidos ricoverados in ematologia».

Gianfranca Piras

© Tutti i diritti riservati

Lascia un commento

*