Home > CRONACA, POLITICA E ATTUALITÀ > Sa Cunferèntzia regionale: isetos, isperàntzias e dificultades de su mundu de sa limba sarda

Sa Cunferèntzia regionale: isetos, isperàntzias e dificultades de su mundu de sa limba sarda

La conferenza sulla lingua sarda alla Biblioteca Satta
La conferenza sulla lingua sarda alla Biblioteca Satta

 

Su 25 de santandria 2017 in sa biblioteca Satta de Nùgoro s’est fata, a pustis de tres annos dae s’ùrtima borta, sa Cunferèntzia regionale de sa limba sarda, intitulada Sardu e benidore, sardu est benidore.

Presentes sos operadores de su setore, sos istudiantes, linguistas, giornalistas e amministradores regionales e locales chi ant faeddadu de comunicatzione in limba de minoria, comintzende dae sos mèdios massivos (giornales, televisione, Internet) finas a imbàtere a sos laboratòrios didàticos pro s’iscola e a s’etichetadura de sos produtos locales. Sunt essidas a campu sas potentzialidades de custu setore, ma finas sas dificultades cullegadas a sa bassa calidade de sos produtos e a sa mancàntzia de programmatzione e continuidade.

La conferenza sulla lingua sarda alla Biblioteca Satta

La conferenza sulla lingua sarda alla Biblioteca Satta

Su cunfrontu cun sas esperièntzias de ladinos e friulanos at mustradu s’importàntzia de una comunicatzione mediàtica sèria e bene fata, chi diat valore e prestìgiu a sa limba.

Su dibàtidu de su sero, intre polìticos e operadores de su setore, at analizadu sa proposta de lege chi punnat a megiorare sa lege 26/1997, oramai betza, dende a sa polìtica linguìstica una regia unitària.

Sa proposta (primu firmatàriu Paolo Zedda de Rossomori) est istada aprovada dae sa Cummissione e est in isetu de s’aprovatzione de su Cussìgiu regionale.

Gianfranca Piras

© Tutti i diritti riservati

Lascia un commento

*