NUGORO – Su ses de ghennarzu, die de sa Befana, s’at a rinnovare sa mustra de ozetos frabicaos dae artigianos e pessones chi costruini pro su gustu de l’achere, chentza interessu de dinare. S’atividade est preventivà in sos locales de su mercau betzu de pratza Mameli, como mutiu ExMè. S’atopu est mutiu “Speciale Epifania”, a daintro de su prozetu “Creativamente Domenica”, chi at preventivau cada prima domenica ‘e mese s’ammàniu de sos bancos, cun varias cosas: dae sos ozetos pro sa domo a cussos pro su zocu e ataras atividades de discassu. Sas mustras sunt promovias dae su negòssiu Antica Bottega Creativa. Pro sa die de sa Befana vat galu postos disponibiles in su locale de pratza Mameli, pro chie cheret collocare sos bancos cun sos ozetos frutu de un’abilidade ispissu non comuna e de tantu intertenimentu. Non est de prus su fatu de ammentare chi s’interessu non mancat e sunu tantos chi andant in chirca e ozetos distintos e abortas difitziles de acatare in sas butecas connotas.

Pro iformassiones in supra de sa mustra si podet mutire in su telefono a su numeru 3467826651 o mandare una punta ‘e bullete a s’indiritzu de internet anticabottegacreativa@gmail.com.

© Tutti i diritti riservati