Football, sa Nuorese perdet su zocadore Tico chi at ischertau un’isquadra de sa Thailandia

Sonia

Football, sa Nuorese perdet su zocadore Tico chi at ischertau un’isquadra de sa Thailandia

mercoledì 19 Dicembre 2018 - 18:58
Football, sa Nuorese perdet su zocadore Tico chi at ischertau un’isquadra de sa Thailandia

La tribuna del Frogheri

NUGORO – S’isquadra de sa Nuorese, impigna in su campionau de Eccellenza sardu, perdet su zocadore de prus valore de su grupu. Si tratada de su omine de atacu, Onyekachi Okonkwo, connotu cun su numene de Tico, 36 annos, cun radichinas in sa terra de s’Africa (pro essere precisos, est naschiu in Nigeria). Natzione inuve at comintzau a zocare, prima de partire pro su caminu in su football chi l’at vidu impignau in sos istados de su Sud Africa, de Malta, pro arribare a s’Svizzera, inuve cun s’isquadra de Zurigo at fintzas picau parte a sa Champions League (in s’annu 2009-2010), in su matessi girone de su Rea Madrid e de su Milan. Como Tico at difatis detzisu de andare a zocare in sa nazione de sa Thailandia, istadu a suta de sa Cina, in s’Asia prus innedda. Ischerta ata pro sa resone chi sa sotziedade nova li at garantiu una pacu prus rica, a cufrontu a cantu picavat in Nugoro. Puru ca in sa Nuorese su presidente Michele Artedino at detzisu de minimare sos tantos, apustis de sa ispesas grussas de s’annu colaum, cun zocadres pacaos fintzas chimbe, sesmitza euros a su mese. Isfortzu chi, non est de irmenticare, a sa ine non at garantiu resurtaos de profetu, cussiderau chi s’isquadra est abascià de categoria, lassande sa serie “D” nazionale. Ocannu propriu sa presentzia de Tico e de ateros zobanos capassos e de bonu meleu, aviat atu preventivare de torrare in presses a sa categoria prus arta. Solu issu, a sa sola, su zocadore africanu at atu 12 retes in d’una bindighina de partzidas, mancari a ine superau comente tantu de rete dae su zocadore de Nugoro, Giuseppe Meloni, ocannu in su Muravera. Ma totu s’isquadra est andat bene, a parte sas urtimas tres dominicas, in sas cale non s’est resessiu a binchere. Como chi sich’est andau, sa sotziedade est chircande zocadores novos pro s’atacu. Nessi duos sos chi ant a essere tesseraos. Custu puru pro su fatu chi primas de Tico at lassau s’isquadra puru su zocadore argentinu, Emanuel Lazzarini, chi s’est ispostau a Santu Tiadoro, sèmpere in su campionau de Eccellenza regionale.

(f.p.)

© Tutti i diritti risrvati

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi