NUGORO – Pessare una tzitade nova e apustis tribàgliare pro la costruire. Est s’impignu chi si proponede sa fiera mutia “Comunidade” (o dell’Innovazione sociale). S’atopu si tenede dae s’11 a su 14 de su mese de Nadale in su centro polifunzionale de sa via Roma. S’organizatzione est de su Cesp (Centro etico sociale Pratosardo), chi est ente de sa Comuna de Nugoro. S’atividade est preposta pro tzitadinos (dae sos zobaneddos de bindighi annos a sos anzianos), sotzios de su volontariau e de sa cultura, amministradores cumonales. Sa fiera ata preventivau laboratorios, mamentos de discussione e sa presentassione de prozetos in sos cale b’apada siada s’idea de una sotziedade tzitadina, cussa de Nugoro, prus adata a sas netzessidades de sas pessones e siada sa proposta de atividades economicas e de tribagliu ligas mesche a sas richesas de su territoriu. Ideas e propostas chi sos interessaos sunu già ponende paris propriu in custa casione. Sa fiera ata difatis preventivau un tempus de ammaniu de s’atopu sotziale e chi si cuntzada dominica nove de Nadale. Mamentos durante sos cale si podent amminujare sas situassiones de sa tzitade e de sa manera in sa cale est cumposta. Situassiones (locos e manitzos) de collire cun sa machina fotografica, sa machina de ripresa, pro chi si potzana apustis mustrare in sos atopos in su centru polifunzionale, durantes sa dies de sa fiera. Si tratada de su materiale de undu pro contare sa tzitade e comente sa matessi si podede metzorare e abbalorare. Est ammentare chi pro picare parte a sas atividades preventivas primos e durantes sa fiera, andada compilau e cussignau a su Cesp su modulu chi s’accatada in internet, in s’indiritzu (Consulta qui)
F.P
© Tutti i diritti riservati