Cristiano Porqueddu
Doghi cuntzertos cun sa chiterra antica si tenene dae custu sero a su 12 de Nadale in Nugoro e in sa provincia. Atopos promovios grassias a s’impignu ‘e su MAN, su Museo de arte moderna, chi ada sede in sa via Satta, sempere in Nugoro.
Sos diferentes sonadores an’a proponnere sa musica pro chiterra chi at signau su seculu colau e cussu chi est currende. Su cuntzertu de custu sero (a sas 20,30, in sos locales de su MAN) at’a essere atu dae Alessandro Deiana, sonadore cun radichinas in Quatru Sant’Elena, tzitade acurztu a Casteddu.
Sas musicas preventivas in su programma sunu de Johann Kaspar-Mertz (1806-1856), cumponidore de musica islovaccu, chi ata operau in Vienna, in s’Austria. Cras est imbeces sa vorta de Renata Arlotti, sempere in su MAN e semprere a sas oto e mesa. Sos atopos ana a sighire, in sa matessi sede e ora, su 30 de Sant’Andria, cun su sonadore Marco Caiazza, e prima die de Nadale, cun su cuntzertu chi ana a tennere Luca Micheletto e Cristina Galietto.
Sos urtimos tres cuntzertos an’a essere de su cumponidore (e sonadore) de Nugoro, Cristiano Porqueddu. Chi at’a essere in su parcu de bibblioteca “Satta”, chenapura 7 de Nadale, in Bitzi sapadu oto, e in Orane, in su museo Nivola, martis 12 de Nadale. Puru custos urtimos cuntzertos an’a essere su sero, a comintzare dae sas oto e mesa.
De autenticare chi sa rassigna de musica est promovia dae su sotziu Musicare, paris cun cussu chi est connotu comente Forum Italiano di chitarra classica. Mentras sa Regione sarda ata garantiu s’atzudu in dinare. (f.p.)