Sos urtimos fatos de s’aministratzione ‘e Nugoro

Nuovo

Sos urtimos fatos de s’aministratzione ‘e Nugoro

martedì 30 Ottobre 2018 - 19:28
Sos urtimos fatos de s’aministratzione ‘e Nugoro

Merculis in s’atopu de su partzidu sardu in s’ExMè

Apustis de s’esida dae sa magiorantzia chi cuvrennada sa Comuna ‘e Nugoro, sos sardistas merculis 31 de Santu Gavini aperini su cufrontu cun sa comuniade de sa tzitade pro faeddare de su presente e de su tempus venidore. S’atupu est a sas sete de sero, in sa sala de s’ExMè, in sa pratza Mameli. Est preventivà sa presentzia de sos cussitzeris cumonales de su partzidu, Claudia Camarda, Viviana Brau e Graziano Siotto. Paris Antonio Belloi e Giuliano Sanna, chi fintzas a trivulas sun’istetios parte de sa giunta cumandà dae Andrea Soddu. A presentziare pro contu de sa setzione tzitadina “28 Aprile” ada a essere su secretariu Tonino Bassu. Anzis, propriu durantes s’assemblea de su Psd’Az, est preventivà sa comunicatzione de s’apertura in Nugoro de una setzione nova de su partzidu, cun sa novidade in prus chi ada a essere signà dae sa presentzia de tantos zobanos, interessaos a s’acurtziare a su Psd’Az. Partzidu, est de amentare, chi ada un seculu zustu de vida, cussiderau chi est’istau vormau a s’incras de sa ine de prima gherra mondiale, dae sos sordados rientraos sarvos apustis de sa tristura e dae violentzia de su fronte in s’Italia de susu. Prus chi a su tempu colau, mancari de importu e de valore mannos, sos sardistas achene però cumprendere de cherrere pessare a su presente ‘e a sa tzitade. Su titulu, “A Nuoro governi Nuoro”, est in custu resonamentu de meda sensu.

Torrada a chircare difatis sos fatos chi sunu sutzesios in sos meses colaos a d’intro de s’aministratzione de sa Comuna, cando su partzidu sardu ada detzisu de sich’essire dae sa giunta. Tra sas neches postas in concas a su sindigu Soddu e a sos sotzios politicos chi lu sustenini, su fatu de essere in manos de chie cuvrennada sa Regione, chi diad’essere detzidinde dae Casteddu in supra de sas chistiones de Nugoro. In su mese ‘e trivulas s’acordu s’este comintzau a guastare vene. Sos sardistas ana signolau de non essere cuntentos de comente sas cosas ini cuntziminas, mescamente pro sos bodios in sa giunta, apustis de sas essidas de sos assessores Raffaelina Denti, Maria Boi, Marcello Seddone e Chiara Flore. Tantu de brincare a posta una paja de reuniones de giunta e cussitzu. Su sindighi dae parte ch’ada modiu s’ingrarriga in sa giunta a Belloi e Sanna. S’ste tentau de torrare sas cosas in su surcu vonu, ma sunu essias a foras totus sas diferentzias e in capidanni su partzidu sardu ada cuntzau cun Sodu e su grupu paris cun su cale aviada vintu sas eletziones de lampadas de su 2015. Cuntrastos in sos cale an’apiu e ana importantzia sas eletziones pro sa Regione de s’iverru chi venidi. Lu cufirmada su vatu chi su sindighi non siada istau cuntentu de su vatu chi sos sadistas apana atu un’accordu cun sa Lega de Matteo Salvini (partzidu a su guvernu de s’Istadu italianu), e chi si suponede ad’a essere cufirmau pro sas eletziones regionales.Sa resone de sa contrariedade de Andrea Soddu, su fatu chi s’impignu idi de costruire un’aministratzione de tzitadinos, lassande iforas su prus possibile sos partzidos cun sos interessos singulos. Sos sardista, pro parte issoro, pessana chi sos chi sunu i su cumandu de sa comuna de Nugoro cherjana atzudare sos partzidos de su centru e de sa sinistra, chi aministrana in custu tempus in sa Regione. In s’atopu de s’ExMè s’ada a ischire carchi cosa ‘e prus de totu questas chistiones.

Francesco Pirisi

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi