Vada tempus fintzas a su 15 de Santu Gavini pro achere sa dimanda a sa Comuna e picare parte a s’atopu “Mastros e Massajos”. Si tratada de sa rassigna de prodotos de s’artigianau e de s’agricoltura, preventivà in Nugoro pro su 10 e 11 de Sant’Andria a daintro de su programma “Autunno in Barbagia”. Sos imbitos sun’atos a aziendas de prodotos de sa traditzione locale e a sotzios de volontarios chi cherene a proponnere mamentos de esta o de jocu, pro alligrare sa dies prepostas pro sas mustras.
“Mastros e Massajos” est unu de sos trintaduos atopos de “Autunno in Barbagia”, chi est promoviu dae sas comunas paris sun s’Aspen, s’Agentzia pro su turismu de sa Camera ‘e Cummerciu de Nugoro. Programma comintzau in capidanni in Bitzi e chi s’ada a cuntzare in su mese ‘e Nadale, cun sas tapas de Orune e Ovodda.
F.P.
© Tutti i diritti riservati