L'albero rovinato sulla carreggiata alle porte di Nuoro (foto S.Littarru)
Su bentu de susu est bentulende totu custas dies in totu sa Sardigna faghende unu disacatu, mescamente in Nùgoro e in sas biddas a fùrriu. Su prus perigulosu, chi at arriscadu de fàghere dannu a sas persones, est capitadu a curtzu a sa galleria de Pratosardo, in s’intrada de Nùgoro andende a cara a Ulìana (pro chie benit dae s’istrada istatale 389 Nùgoro-Lanusè) in ue nd’at rutu un’àrbore blochende sa carregiada.
Mancu male in cussu momentu non b’aiat veturas passende.
Sos automobilistas ant avisadu sa Politzia munitzipale, chi est intervènnida luego.
Su bentu forte at allutu fogos siat in Buduni, siat in Thiniscole siat in Durgali, e in Nùgoro nd’at caladu cartellos istradales e insignas de butegas.
Su sìndigu de Nùgoro Andrea Soddu in unu post de Facebook invitat sa gente a dare atentzione e a no essire si non b’at urgèntzia.