Est tataresu su primu nàschidu de ocannu. Si narat Niccolò, at pesadu 3 chilos e 315 grammos e est nàschidu in sa clìnica de Ginecologia e Ostetricia de s’azienda ospedaliero-universitària de Tàtari. Forsis est su primu nàschidu de totu Itàlia.
S’isperàntzia est chi siat de augùriu pro una ripresa demogràfica de sa Sardigna. Giai in su 2017 in sa clìnica sunt crèschidas sas nàschidas contra a s’annu in antis: 1.115 pitzinnos. De custos 31 fiant ghemèddighes e b’at istadu finas duos partos trigèminos.
De custos pitzinnos bi nd’at prus de chentu furisteris: 25 rumenos, 17 dae Nigèria, 9 dae Sènegal, 7 marochinos, 6 tzinesos, 6 iugoslavos, 5 bengalesos, 3 tedescos, 3 ucràinos, 2 filipinos, 2 islovacos, 2 moldavos, 2 dae su Ghana e unu peròmine dae Venetzuela, Argentina, Irlanda, Portogallu, Ispagna, Rùssia, Kazàchistan, Pàkistan, Congo, Sèrbia, Bòsnia, Tailàndia, Somàlia e Ungheria.
Annada bona pro sas nàschidas, duncas, su 2017. Pro su 2018 s’isperat finas mègius.
Gianfranca Piras
© Tutti i diritti riservati