Dae sa prima die de ghennàrgiu totu sos artesanos, professionistas e butegheris sunt obligados a tènnere su Pos pro pagamentos de prus de 5 èuros.
«Est bonu pro sos consumadores ma malu pro artesanos e butegheris.– narat Antonio Matzutzi, presidente de Confartigianato Imprese Sardegna – Difatis sos costos de gestione de su Pos sunt in palas issoro e podent èssere artos meda».
In Sardigna, a su chi narat s’osservatòriu de Confartigianato Sardegna cun datos de sa Banca de Itàlia, sos letores eletrònicos sunt 54 mìgia, unu pro 31 abitantes. Però, essende chi su prus de sas impresas chi lu tenent sunt mèdias o piticas, s’arriscu est chi cun sos costos de gestione a sa fine profitu non bi nd’apat.
Gianfranca Piras
© Tutti i diritti riservati