La situazione alla Galleria di Corr'e boi
Su nie artu e sos mezos de innetare istradas firmos. «S’annu coladu tenìamus sa gente e non sos mezos. Ocannu tenimus sos mezos e non sa gente» Est su chi at iscritu in Facebook Daniela Falconi, sìndigu de Fonne, lamentende·si de sa tropu burocratzia chi at lassadu firmos sos operajos forestales pro chistiones de cuntratu. «Como in Fonne bi tenimus operajos ispetzializados chi non podent fàghere andare su mezu de sa Protetzione Tzivile».
Finas su sìndigu de Dèsulu Gigi Littarru si lamentat pro sa matessi chistione, publichende sa fotografia de unu mezu de sa Protetzione Tzivile firmu cun sas istradas ammuntadas de nie: «A bos nd’ammentades de su contu de sos mezos cunsignados a Forestas? Acò·nde unu, chi at a abarrare firmu. Poi ca nât·chi deo so polèmicu».
Gianfranca Piras
© Tutti i diritti riservati