Sa Guàrdia de Finanza de Terranoa at dadu a sa parròchia de su Coro de Gesùs (Sacro Cuore) prus de 3.000 pìngios de robba de imitatzione secuestrada in paritzas butegas de sa tzitade.
L’at detzisu su cumandante Marco Salvagno de acordu cun su procuradore de Tèmpiu Gianluigi Dettori, pro chi in dies de Nadale sas famìllias prus pòberas potzant retzire donos de robba de bestire (a pustis eliminadas sas etichetas farsas).
Su secuestru s’est fatu a pustis de anàlisis chìmicas fatas dae su laboratòriu de s’Agenzia de sas Doganas de Milano e dae BuzziLab de Prato, chi aiant bogadu a campu s’imbròlliu.
Gianfranca Piras
© Tutti i diritti riservati