Tribaglios in s’istrada Nugoro-Macumele pro che catzare sos tretos de prus periculu

Sonia

Tribaglios in s’istrada Nugoro-Macumele pro che catzare sos tretos de prus periculu

martedì 30 Ottobre 2018 - 14:26
Tribaglios in s’istrada Nugoro-Macumele pro che catzare sos tretos de prus periculu

Uno scorcio della Statale 129 (foto Cronache Nuoresi)

OROTEDDI – S’istrada istatale “129” Macumele-Nugoro ada essere azustà in d’una paja tra sos puntos chi como sunu de prus periculu. L’ada garantiu lunis colau Fulvio Soccodato, metzore de s’Anas Manutenzioni, durantes un sopralluogo atu in sa zona de su biviu de Oroteddi. Sos tribaglios ana a interessare sas duas curvas paris, colau propriu s’artziada pro Oroteddi, inuve vad’apiu ispissu incidentes de vetura, cun mortos e ertos. Sos urtimos sunu istaos sos frades de Nugoro, Francesco e Matteo Pintor, de 24 e 16 annos, chi ana perdiu sa vida s’annu passau, sa die de Pasca ‘e Nadale, mentres sunu resessiu a si sarvare unu frade, Giovanni, e su fradile Alessandro Satta, chi idi a sa guida de sa vetura essia dae istrda. A su sopralluogo ana picau parte puru su responsabile sardu de s’Anas, Valter Bortalan, su sindigu de Oroteddi, Nannino Marteddu, e su deputau de su partzidu Cinque Stelle, Alberto Manca. Su tribagliu preventivau est pro ch’iscontzare sas duas curvas e amaniare puru sa pendentzia de s’undu ‘e s’strada, chi est puru cussu elementu ‘e periculu. S’inzenieri Soccodato ad’atu presente chi su prozetu est belle pro che essere cumpretau e in beranu si pessada de comintzare cun su tribagliu. Sunu istetios preventivaos tres miliones de euros, chi sa Regione ada colau a s’Anas propriu pro cust’impreu. Ma non est totu. Dae parte de s’azienda istatale de sas istrada b’ada puru s’impignu de metzorare su tretu de s’intrada prò Oroteddi. S’idea est de illargare su caminu, siada pro creschere s’essida dae su biviu gara a s’istrada “129”, siada pro cussentire chi sos metzos chi depene girare pro Oroteddi non siana de intralciu a chi imbeces andada deretu gara a Macomele o a Nugoro. In custu casu su prozetu est galu a fachere. Ma, comente a porrogau Fulvio Soccodato, est cosa chentza peruna dificurtadeasi chi . Disponibile puru su dinare, afurriu a un milione de euros. Gasi chi si pessada de podere achere su tribagliu in su matessi tempus de su primu. De sos duos interventos de metzoria in s’istrada ses faedau s’iverru colau in sa Regione, durantes una paja de atopos a sos cale ana picau parte sos sindigos de su territuriu e s’assessore de sos Tribaglios pubricos, Edoardo Balzarini. Amministradores e tecnicos si sunu acataos de accurdu pro aviare s’atividade in manera de non perdere ateru tempus, cussiderà sa periculosidade de s’istrada. Su primu passu est’istau de colare sos tantos a s’Anas: 4 milione e 700mitza de euros, in partentzia, a sos cales est istau atzuntu un’ateru milione. Dinare chi como cussentidi de comintzare e cuntzare sos tribaglios, si pessada in su tempus de pacos meses.

Francesco Pirisi

© Tutti i diritti riservati

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi