Sa Nuorese a cu cumandu de s’Eccellenza apustis de su paregiu contra su Taloro Gavoi

Sonia

Sa Nuorese a cu cumandu de s’Eccellenza apustis de su paregiu contra su Taloro Gavoi

martedì 30 Ottobre 2018 - 11:43
Sa Nuorese a cu cumandu de s’Eccellenza apustis de su paregiu contra su Taloro Gavoi

La tribuna del Frogheri

Sa Nuorese dae dominica colà est prima in sa classifica de su torneo de Eccellenza regionale de football. Titulu partziu cun su Muravera. An’atu deghennove puntos in oto partzidas, cussiderau chi ind’una tot’as duas ana pasau. A sa Nuorese a sa ine est bastau su puntu acolliu in su campu “Frogheri” contra a su Taloro Gavoi, ca proite su Muravera ada perdiu in su campu propriu in s’isfida cun su Sorso, isquadra de sa Romangia, non allargau dae Zazzari, chi est a su tertzu postu, cun seghi puntos. Est de ammentare chi pro sa Nuorese sas cosas dominica s’ini ponede male. Cando mancavana pacos secundos a sa cuntzada de sa partzida, contro s’isquadra ruja e blu de sa Barbagia, sos jocadores de Nugoro ini in suta pro duas rete a una e totu achiada oramai pessare chi non b’aviada prus isperantzias de recuperare. A rimediare est istau Samuele Rosano, jocadore de Moncalieri, in su Piemonte. Ada picau una palla pacu oltras de sa su centru de su campu e apustis de carchi metro tirau cun ortza, signande sa rete de su paregiu.

Su campionau sighidi como jovia prima die de Sant’Andria, cando est preventivà sae deghe partzida de su girone de Eccellenza. Si jocada galu in su campu “Frogheri”, custa vorta contra su Porto Rotondo, chi est un’isquadra ‘e Terranova, oje Olbia.

F.P. Stadio

© Tutti i diritti riservati

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi